• ×

من يقاوم هالعيون

دلع جميرا
 0  0  2.5K
مـن يقـاوم هالعيـون الله دره
لي تصيبه بالهدب لازم ينوحـي
يشتكي شكوى صويب(ن) بالمضـره
يرضف الونات من كثر الجروحي

لو غريج عاجز عن وصـل بـره
ضاع بين الموج لو شاطر سبوحي
خزني إبذيك العيون السود مـره
وماخطئ في راعي الرمش الذبوحي

من صوابـي ولعت فـي القلـب حـره
حرة منها الصخـر لازم يموحـي
والشفايـا لـي تزينهـا إبـفـره
لي تبسم صاحب الوجه الصبوحي

والثنايا كالبـرد لـو نـوع دره
والخدود ابروق مزن(ن) لي تلوحـي
والمعنـق سولعـي(ن) فـي مـيـره
في مفاليه الزهر عطـره يفوحـي

في مشيته هايف الخصريـن يـره
لي مشى توحى جدمه بالهون توحي
لي جلس بين الغواني له مقره
كالبدر لي كامل(ن) نوره بوضوحـي

من نظرته فز قلبـي مـن مقـره
مثل طير(ن) خافق إبكـل الجنوحـي
باللطافـه ماخذنـي والمـسـره
خشف ريم(ن) في طباعه لي مزوحـي

لي مواظب بالوصـال المستمـره
سيدي لي في غرامه لي نصوحـي
ساطي في وسط قلبـي مستقـره
هو حياتي لي بها أحيا وروحـي
التعليقات ( 0 )
أكثر
Powered by Dimofinf CMS v5.0.0
Copyright© Dimensions Of Information.

جميع الأوقات بتوقيت جرينتش +4 ساعات. الوقت الآن هو 07:40 مساءً الخميس 1 أكتوبر 2020.